😋ناكل بره••ونرجع مبسوطين 😊

اغلبنا بيحب اللمة مع اصحابه وعيلته وبيكون عايز يقضي معاهم وقت جميل ويخرجو يتغدو مثلا مع بعض

بس بتلاقي نفسك خايف تروح اي مكان تلخبط كل اللي عملته في رحلتك فتاجل وتقول بلاش

وتلاقي نفسك من كتر التاجيل كمان زهقت ونفسك تخرج بس مش عارف ازاي 😅

الخروج مش معناه ان احنا هنبوظ نمط الحياة الصحية اللي ماشيين عليه 😉..لكن باختيارات ذكية هنقدر نستمتع بالاكل وكمان نفضل ملتزمين 💪🏻👌.

ياتري ازاي ؟!

✅نبدا بالسلاطة🥗 او شوربة الخضار : هتملي المعدة وتخليك تاكل اقل

✅نختار بروتين مشوي: ( فراخ 🍗 لحمة🥩 سمك 🐟جمبري 🦐)

✅نختار نشويات صحية ( ٤-٥ معالق رز بسمتي -بطاطس مشويه 🥔-نصف رغيف عيش بلدي 🫓)

✅ولو عايزين مشروب بعد الاكل : اكبد افضل اختياراتنا هتكون مايه 💦-وممكن شاي / شاي اخضر او قهوة ☕️

✅ولو اضطرينا اوي ناخد حلويات ممكن نشارك شخص تاني وتاخدي منه معلقه او معلقتين بس ممتاز اوي

💡 وناخد بالنا :

- دايما لو فيه اي صوصات نحاول نطلبها بره بعيد عن الاكل علشان نتحكم احنا في نحطها او لا او ناخد منها قليل اوي

- ممكن يكون كميه الاكل كبيره ناخد الباقي معانا واحنا ماشيين ليوم تاني مش لازم نخلصه كله

•••نفكر نفسنا دايما اللمة الحلوة اهم من الاكل •••