💤 النوم… سر من أسرار الصحة والرشاقة

ناس كتير بتركز على الأكل والرياضة لكن بتنسى عنصر مهم اوي في أي نمط حياة صحي: النوم الجيد💤🛌

✅ طاب ياتري ليه النوم مهم؟

1.بينظم الهرمونات في الجسم ازاي ؟؟

•وقت النوم، الجسم بيعيد توازن هرمونات مهمة زي:

•اللبتين: اللي بيحسسك بالشبع

•الجريلين: اللي بيحفز الجوع

•قلة النوم بتزود الجريلين وتقلل اللبتين وبالتالي تبقي الشهية مفتوحة وعندك رغية في الأكل خصوصا الحلويات والنشويات

2.يدعم حرق الدهون

•النوم الكويس بيساعد الجسم يحرق دهون أكتر بدل ما يخزنها.

•فيه دراسات أثبتت إن الناس اللي بيناموا أقل من 6 ساعات عندهم قابلية أكبر لتخزين الدهون خصوصًا في منطقة البطن

3.يقلل التوتر

•النوم بيقلل هرمون الكورتيزول (هرمون التوتر) واللي لو زاد بيصعب نزول الوزن ويخلي الجسم يحتفظ بالدهون

4.بيخليك أكثر التزام في نظامك الصحي

•لما تنام كويس هتكون أهدى تركيزك أعلى وعندك قدرة أكتر على مقاومة المغريات

⏰ طيب أنام قد إيه؟

•بنحتاج بين 7–9 ساعات نوم متواصل كل يوم

•والأهم: يكون النوم في الليل لان جودة النوم بتقل جدا لو كان في النهار

💡 نصائح عشان تنام كويس :

•ابعد عن الموبايل قبل النوم بساعة

•خفف الكافيين بعد العصر

•خد حمام دافي قبل النوم أو اشرب مشروب دافيء خالي من الكافيين

✨لو عايز تنزل وزنك أسرع نام أكتر✨

النوم مش رفاهية ده عنصر أساسي في أي نظام ناجح للصحة💪🏻💪🏻